Portefeulje
Gemeenskapsbetrokkenheid en Diensgetuienis
Die 10 Gesprekke van Hoop, vennootskap met Tutela, bediening in Eswatini en webinare.
Portefeuljeleier: Schalk van Heerden
Terugblik 2022–2026
Wat die afgelope vier jaar gebeur het
Die portefeulje het gemeentes gehelp om hoop in hul gemeenskappe te bring, saam met vennote wat elke dag aan die voorfront staan.
In 2023 het die “Help ons hulp?”-gesprekke begin. In ’n Zoom-gesprek met Leona Pienaar van MES en De la Harpe le Roux is gekyk na hoe gemeentes werklik ’n verskil in hul gemeenskap kan maak. Die opname is op die sinode se YouTube-kanaal beskikbaar. Van November tot Desember 2023 het die portefeulje die 16 Dae van Aktivisme teen geslagsgebaseerde geweld met ’n video- en reelreeks op Facebook gedra, met elf bydraers.
Saam met MES se 10 Days of Hope het die sinode in Junie en Julie 2024 die 10 Gesprekke oor Hoop aangebied. Die gesprekke het gehandel oor bediening aan haweloses, community mapping, ’n teologie van hoop, geslagsgebaseerde geweld, kinderbeskerming en vroeë kinderontwikkeling. Ná die leierskapsoorgang in Februarie 2025 het die portefeulje met ’n sterk fokus op gemeenskapsbetrokkenheid voortgegaan.
Die sinode staan deur die hele termyn saam met Tutela, wat met gesinsorg, kinder- en jeugsorg en ouersorg dien. In 2025 het Tutela ’n nuwe handelsmerk bekendgestel en ’n nuwe gesinsorgkantoor by Ligbaken geopen. Die Direksie van Abraham Kriel Bambanani het in Junie 2024 met die SDK kom gesels oor hul werk met kinders en jongmense. Ná die Marshalltown-brand in 2023 het die sinode deur MES hulp aan slagoffers verleen.
Kyk verder: Die 10 Gesprekke van HoopVideo: Help ons hulp?Video: MES se werk in Sinode HoëveldTutela en Abraham Kriel Bambanani
Video’s en toerusting
10 Gesprekke van Hoop'n Teologie van Hoop — Dr Pieter Kruger
10 Gesprekke van HoopBediening aan haweloses
10 Gesprekke van HoopCommunity mapping — Schalk van Heerden
10 Gesprekke van HoopGemeentes en geslagsgebaseerde geweld
10 Gesprekke van HoopVroeë intervensieprogramme — Celeste Honeywill
10 Gesprekke van HoopVroeë kinderontwikkeling — Melanie Thirion
Tutela#OnsStorie: Trienie Drotschie — Tutela
VennootMES se werk in Sinode Hoëveld
WebinaarHelp ons hulp?
Argief 2022Ontmoet die SDK: Ds Yolandi KokOns vennote in hierdie bediening
DiensgetuienisAbraham Kriel BambananiSorg en vaardigheidsontwikkeling vir kinders en jongmense in nood in groter Johannesburg: residensiële sorg, gemeenskapsdienste en onderwysprogramme.abrahamkriel.org ↗
DiensgetuienisTutelaMaatskaplike werk, gesinsorg, kinder- en jeugsorg en ouersorg aan die Oos-Rand en in Mpumalanga. Omgee bring hoop.tutela.org.za ↗Argief
Oorspronklike portefeuljeplan (termyn 2022–2026)
As deel van die portefeulje se strategie word gereeld webinare aangebied om predikante en gemeenteleiers toe te rus. Die strategie behels:
- Inligting versamel vanuit gemeentes, ringe en kantore, en dit op sosiale media deel.
- ’n Platform skep waar kenners binne die sinode kennis en idees kan deel.
- Streeksuitreike, die 10 Dae/Gesprekke van Hoop en ’n projek saam met Tutela.
- Bediening in Eswatini, besoeke, middaguur-gesprekke en gemeentebetrokkenheid.
Hierdie plan is ná Sinode 2022 opgestel en word bewaar as deel van die sinode se argief. Sien hoe die leierskap verander het →