Lidmaat- en Leierstoerusting

Terugblik 2022–2026

Wat die afgelope vier jaar gebeur het

Hierdie portefeulje rus kerkrade, ouderlinge en diakens toe vir hul roeping, en het in die termyn ’n nuwe toerustingsreeks geskep wat gemeentes self kan gebruik.

In die eerste deel van die termyn het die portefeulje saam met Gemeenskapsbetrokkenheid aan die “Help ons hulp?”-gesprekke deelgeneem. Sedert 2024 het die portefeulje die Kerkraadtoerusting-videoreeks geskep, vanuit die besef dat baie kerkraadslede in leierskapsrolle dien sonder formele toerusting. Die reeks het sewe video’s. Prof. Stephan Joubert, predikante en leiers uit die sinode, en ’n gaskenner oor konflikhantering (in twee dele) het dit aangebied. Die temas strek van Bybelse leierskap en dissipelskap tot kerkorde, administrasie, konflikhantering en geestelike leierskap.

Prof. Joubert se video oor dissipelskap en leierskap is al meer as 600 keer gekyk, en SDK-lede en ouderlinge het hul waardering vir die reeks uitgespreek. Die portefeulje neem ’n vraag saam na die volgende seisoen: hoe lei ons mense deur verandering sonder om hulle te verloor?

Kyk verder: Kyk die Kerkraadtoerusting-reeksVideo: Prof. Stephan JoubertKalender